Silene dioica
| Silene dioica | |
|---|---|
  Irudi gehiago | |
| Sailkapen zientifikoa | |
| Erreinua | Plantae |
| Ordena | Caryophyllales |
| Familia | Caryophyllaceae |
| Leinua | Sileneae |
| Generoa | Silene |
| Espeziea | Silene dioica Clairv. |
Silene dioica Caryophyllaceae familiako landare espezie bat da. Europan du jatorria, gure inguruan Piriniotan eta Atlantiar isurialdeko mendietan aurkitzen da[1].
Deskribapena
Landare bizikor belarkara da. Zurtoin adarkatuak 30-90 cm arteko altuera har dezake. Hosto berdeak 3-8 cm artekoak dira, aurkakoak, sinpleak eta obalatuak. Zurtoinak eta hostoak ile finez estalirik daude.
Lore arrosak ditu, batzuetan ia gorriak. Hodi baten amaieran bost petalo ageri dira, bakoitza ia bitan zatituta. Espeziearen dioica izenak adierazten duen bezala lore arrak eta emeak landare desberdinetan ateratzen dira. Maiatzetik urrira loratzen da eta Rhingia campestris euliak polinizatzen du, besteak beste.
Fruitua uztailetik aurrera sortzen da. Kapsula oboide bat da eta hainbat hazi ditu barnean.
Habitata
Haltzadietan eta erreka ertzetako belardi eta basoetan ugari aurkitzen da, itsas malatik 1.500 metrotako altueraraino[1].
Gaixotasuna
Caryophyllaceae familiako beste hainbat kideren antzera hainbat onddok erasotzen dute, Microbotryum silenes-dioicae onddoak esate baterako[2].
Iruditegia
-
Loreak. -
Hostoak. -
Landarea erreka ertzean.
Erreferentziak
- ↑ a b «Silene dioica | Luberri.net» www.luberri.net (Noiz kontsultatua: 2023-09-15).
- ↑ (Ingelesez) Hood, Michael E.; Mena‐Alí, Jorge I.; Gibson, Amanda K.; Oxelman, Bengt; Giraud, Tatiana; Yockteng, Roxana; Arroyo, Mary T. K.; Conti, Fabio et al.. (2010-07). «Distribution of the anther‐smut pathogen Microbotryum on species of the Caryophyllaceae» New Phytologist 187 (1): 217–229. doi:10.1111/j.1469-8137.2010.03268.x. ISSN 0028-646X. PMID 20406409. PMC PMC3487183. (Noiz kontsultatua: 2023-09-15).
Kanpo estekak
| Autoritate kontrola |
|
|---|
Datuak: Q161699
Multimedia: Silene dioica / Q161699
Espezieak: Silene dioica
